Isa 33 | Ndebele | STEP | Maye kuwe ochithayo , kodwa ungachithwanga! Lowenza ngenkohliso , bengenzanga ngenkohliso kuwe! Lapho usuqedile ukuchitha, uzachithwa ; lapho usucinile ukwenza ngenkohliso, bazakwenza ngenkohliso kuwe.

1 Maye kuwe ochithayo ^a, kodwa ungachithwanga! Lowenza ngenkohliso ^b, bengenzanga ngenkohliso kuwe! Lapho usuqedile ukuchitha, uzachithwa ^c; lapho usucinile ukwenza ngenkohliso, bazakwenza ngenkohliso kuwe. 2 Nkosi, woba lomusa kithi, sikulindele ^d; woba yingalo yabo ^e ekuseni konke ^f, losindiso lwethu ngesikhathi socindezelo. 3 Emsindweni wokuhlokoma abantu babaleka; ekuziphakamiseni kwakho izizwe zahlakazeka ^g. 4 Lempango yenu ^h izabuthwa ⁱ njengokubutha kwecimbi ^j, njengokugijima kwentethe uzagijima phezu kwayo ^k. 5 INkosi iphakeme ^l, ngoba ihlala phezulu; igcwalise iZiyoni ngesahlulelo langokulunga. 6 Lenhlakanipho lolwazi kuzakuba yikuqina kwezikhathi zakho ^m, amandla ezinsindiso ⁿ; ukwesaba iNkosi kuligugu lakhe. 7 Khangela, amaqhawe abo azakhala ngaphandle; izithunywa zokuthula ^o zizakhala inyembezi kabuhlungu. 8 Imigwaqo emikhulu ize ^p, owedlula ngendlela kakho; wephule isivumelwano ^q, udelele imizi ^r, kananzi muntu. 9 Ilizwe liyalila ^s lidangele ^t; iLebhanoni ^u ilenhloni iyabuna; iSharoni ^v injengenkangala; njalo iBashani ^w leKharmeli ^x kuyakhithiza ^y.

10 Khathesi ngizavuka ^z, kutsho iNkosi; khathesi ngizadunyiswa; khathesi ngizaphakanyiswa. 11 Lizakhulelwa ^aa ngamakhoba ^ab, beselizala ^ac izibi ^ad; umoya wenu, njengomlilo, uzaliqeda. 12 Njalo abantu bazakuba njengokutshisiweyo kwekalaga; njengameva ^ae aqunyiweyo bazatshiswa emlilweni ^af.

13 Zwanini, lina elikhatshana ^ag, engikwenzileyo; lani eliseduze ^ah, vumani amandla ami. 14 Izoni zeZiyoni ziyesaba, ukuthuthumela ^ai kubabambile abazenzisi ^aj. Ngubani phakathi kwethu ongahlala lomlilo oqothulayo ^ak? Ngubani phakathi kwethu ongahlala lokutshisa okuphakade? 15 Yena ohamba ngokulunga ^al, akhulume ngobuqotho, odelela inzuzo yezincindezelo ^am, othintitha izandla zakhe ekubambeni isivalamlomo ^an, ovala indlebe yakhe ekuzweni ngamacala legazi, ocimeza amehlo akhe ukuze angaboni okubi ^ao; 16 yena uzahlala ezindaweni eziphakemeyo ^ap; izinqaba zamadwala zibe yisivikelo sakhe; isinkwa sakhe asinikwe; amanzi akhe athembeke ^aq.

17 Amehlo akho azabona iNkosi ebuhleni bayo ^ar; abone ilizwe elikhatshana kakhulu. 18 Inhliziyo yakho izazindla ukwesabisa. Ungaphi umbhali ^as? Ungaphi umlinganisi? Ungaphi obala imiphotshongo? 19 Kawuyikubona ^at abantu abayiziqholo ^au, abantu abenkulumo ejule okokuthi ungeyizwisise ^av, abolimi olugagasayo ^aw ongeluqedisise. 20 Khangela iZiyoni, umuzi wemikhosi yethu emisiweyo ^ax; amehlo akho azabona iJerusalema ^ay, indawo yokuhlala elokonwaba ^az, ithente elingayikusuka, ozikhonkwane zalo ezizasitshulwa phakade ^{ba
,} ^bb, kakuyikuqamuka leyodwa yezintambo ^bc zalo. 21 Kodwa lapho iNkosi izakuba ngelobukhosi kithi, indawo yemifula ^bd, yezifula ezibanzi ^be; umkolo olamaphini okugwedla ongahambi khona, lomkhumbi olamandla ongedluli khona. 22 Ngoba uJehova ungumahluleli wethu, uJehova ungumnikumthetho wethu ^bf, uJehova uyinkosi yethu, yena uzasisindisa. 23 Ingoda zakho ^bg ziyaxega ^bh; kaziyikuqinisa iqonde insika yazo yomkolo ^bi, zingeyelule iseyili ^bj; khona kuzakwabiwa impango ^{bk
,} ^bl yempango enengi, abaqhulayo ^bm baphange impango. 24 Lomhlali kayikuthi: Ngiyagula ^bn. Abantu abahlala kuyo bazathethelelwa iziphambeko ^bo.